الصفحة الرئيسية › أخبار وطنية

أخبار وطنية نزيهة رجيبة تتحدّث: "هذا ما فعلته النهضة للثورة.."

كتبت الناشطة السياسية ام زياد التحديثة التالية على جدارها في الفايسبوك:
“قبيلة كي نشرت دعوة لحوار على الثورة المضادة علّق عليّ شاب في الثلاثينات و قال اللي انا هي اللي عاونت الثورة المضادة كي نقدت الترويكا :Dعلى اساسي هي الثورة ) و اللي انا مشيت لاعتبارات أيديولوجية وأهملت 18 اكتوبر كقاعدة لبناء مشروع ثوري
….شوف وليدي ….اولا الترويكا هي النهضة و الزوز الاخرين كومبارس …..و ثانيا النهضة اش عملت للثورة ؟
1ضيعت حقوق شهاداها و جرحاها و مرمدت عائلاتهم
2حيّرت النعرات الايديولوجية و حبت تفرض على الدستور اديولو جيتها الاخوانية
3رخات الحبل للسلفية و استقوات بيها علينا ….حتى ولّات اغتيالات وعنف و ارهاب وهي حاليا أمضى خنجر في خاصرة الثّورة
4أخّرت العدالة الانتقاليّة حتى استشرى الفساد السياسي و المالي اللي قامت الثورة ضدّو و صار معضلة تحير فيها الطّبّة و العلمة
5صوّتت ضد كل قانون ثوري يمنع سرقة الثروات الطبيعية و يحقق شوية عدالة اجتماعية و نحب نذكرك باللي هالثورة كانت اجتماعية بالاساس
6حطّت يدها في يد التجمع و عقدت في باريس قمةثنائية للثّورة المضادّة وصّلتها لقرطاج و القصبة و باردو
7هاهي اليوم شريك في حكم الثورة المضادة متصدّرة في المنابر الاعلامية البتفسجية و في البرلمان تسعى و عاملة جهدها للالتفاف على القضاء المستقل و الامن الجمهوري و المحكمة الدستورية والعدالة الانتقالية و محاربة الفساد ….هذاكه متاع “عصابة السراق” اللي استشهدوا وليداتنا و هوما يصيحو عليهم
…اما 18 اكتوبر فننصحك ولدي ما تحكيش عليه على خاطرك ما تعرفوش و على خاطر دار حولو برشه جدل اكثرو عقيم
…..و انتم يا سياسيي الهانة : ثقفوا شبابكم قبل ما تسيّبوه كالذئاب المنفردة ينهش في كبار الحومة اللي يجهل عليهم كل شيء
هذا ما عندي توّه و اللّي يحب يواصل النقاش في الموضوع يتفضل غدوة التسعة متاع الصباح في مؤسسة التميمي”..